Agenda
NUIGEN
Vekaanzie is veur mainste minsen verbie en stoareg
aan begunnen verainens ien septemmer weer
bieainkomsten te hollen.
STICHTEN KUNSTGAANG KAAMPKE
holt eerste bieainkomst op zodderdag 11 septemmer
2010 ien Beem van 13.00 uur tot 17.00 uur bie
SUNT-WALFRIDUSKERK
mit zien schaive toren.
Wie binnen nuigd worren deur
STICHTEN MOOI BEDUM
te kommen veurdroagen mit aigen verhoalen en gedichten
ien t Grunnegers oet ale wiendstreken van pervinzie.
Ook kiener kinnen heur opgeven.
Hes bevubbeld mitdoan aan
pervinsjoale Grunneger schriefwedstried?
Din kins op dizze daag dien verhoal
of gedicht veurlezen ien Beem.
Opgeven mit
e-mail info@kunstgaangkaampke.nl,
of tillefoon 0596-551002.
Willen ie allinneg lustern din
huiven ie joe nait opgeven.
WIE ZAIN JOE GEERN!
Met andere woorden:
UITNODIGING
De vakantie is voor de meeste mensen voorbij en
langzamerhand beginnen de verenigingen in
september weer bijeenkomsten te houden.
STICHTING KUNSTGAANG KAAMPKE
houdt de eerste bijeenkomst op zaterdag 11 september
SINT-WALFRIDUSKERK
met zijn scheve toren.
We zijn uitgenodigd door
STICHTING MOOI BEDUM
om te komen voordragen met eigen verhalen
en gedichten in het “Grunnegers” uit alle
windstreken van de provincie.
Ook kinderen kunnen zich opgeven.
Heb je bij voorbeeld meegedaan aan de
provinciale “Grunneger schriefwedstried?”
Dan kun je op deze dag jou verhaal of
gedicht voorlezen in Bedum.
Opgeven met,
e-mail info@kunstgaangkaampke.nl,
of telefoon 0596-551002.
Wilt u alleen komen luisteren, dan
hoeft u zich niet op te geven.
WE ZIEN U GRAAG!
...............................................
OPROUP
Elknain dij verhoalen en/of gedichten schrift of schreven
het ien Goud Geef Grunnegers (woar ook vot), wort
vrunnelk vroagd heur of zien schrieverij te sturen noar
Stichten Kunstgaang Kaampke
om ploatst te worren ien
OP ACHTERKAANT
Ien dizze OP ACHTERKAANT n verhoal van Gré Lesterhuis
en n gedicht van Nane van der Molen.
Gré Lesterhuis schrift aal joaren en
Nane van der Molen is n aankommend schrieftalent.
.......................................................................
OP ACHTERKAANT
BAALKEDUUSTER
De stemmen van Pauw en Witteman doun heur
opschrikken oet heur hoazesloapke. Ze hangt wat
schaif in stoule, mor is vot opslag kloar wakker.
Hier blift ze veur op. Ze kin t mor zuneg volholden
en ogen knippern aigoal weer op n glieve.
Wel zollen ze as gasten hebben?
Twij plietsiemannen dij t over
n eernsachtege zoak hebben.
Nog gain tien menuten loater valen heur
d’ogen alweer tou.
He, wat ja n aarm verdrait, mit n beetje spije wrift
ze deur d’ogen hen om ze open te hollen.
t Lokt nait en al gaauw is ze wied vot.
As heur program allaank ophollen is gaait ze mit
muite oet stoule en klimt trabbe op.
Berre is lekker waarm deur heur elektrieken dekentje.
Ze vaalt vot in daibe sloap, mor wordt
noa n zetje toch weer wakker.
Haalfom kikt ze op t wekkertje en zugt
dat t haalf negen is.
Het ze zok zo versloapen?
n Gat in de dag is ze ja nait wend. Hou is t meuglek.
Mor ze is nog zo muide dat ze onder deken kropt en al
gaauw weer in sloap vaalt.
Mor noa n zet is ze weer kloar wakker en kikt op wekker.
Verwilderd kikt ze om zok tou; baalkeduuster en haalf negen.
Hou kin dit!
Ze het t gevuil dat ze der nog mor net inligt.
Mor wekker locht ja nait.
Veurdat ze oet berre stappen kin zaailt ze al weer vot.
En weer slagt ze noa n zetje d’ogen op de wekker
dij nog aal haalf negen aangeft.
Baalkeduuster en haalf negen?
Zollen we in t leste van doagen wezen?
Of zollen ze heur de roamen swaart vaarft hebben!
Ze kropt trabbe óf en gaait veur t roam stoan.
Baalkeduuster en gain mins te zain.
Woar zit dat volk wel aal. Zol ze plietsie béllen?
Der is wat aan de gang.
Swaitdruppels lopen heur bie neuze langs.
Doodmuide gaait ze trabbe weer
omhoog en let zok op berre valen.
Mor din, n zetje loater het ze t wonnen.
Heldere zunnestroalen schienen deur
t gerdientje en valen op heur nachtponne.
Mor dij verrekte wekker kikt heur nog aal
aan mit wiezertjes op haalf negen.
En din begun t verstand n beetje te waarken.
Wat is ze toch n otte.
Dat ding staait stil.
Gainain zol t ooit heuren, din kon ze wel
de loze gaaie van t dörp worden.
Gré Lesterhuis-Reininga, Veendam.
Ien toal van Veenkelonies.
…………………………………………………………………………………………………………………………
SNIJWAARK
Vroren sporen laaiden laand op bielaans doeker
waaiern oet over nait omplougd baidelaand
rij ienspoord deur swoare raif van grondgebroeker
roegte oet sloot ligt ien dikke bulten op slootskaant
din begunt snij wit oet graauwe lucht te vlokken
om der n schiddernd schillerij van te moaken
anerdoags ligt snijwaark der duroabel heer
bie guster vergleken herkinnen ie t nait meer
doar k dou ien t baauwlaand vergees nog noar zocht
is snaachts wonner van snijwidde winter begonnen
het zun smörns aal n strakblaauwe hemel brocht
sloege wintertied was geluudloos overwonnen.
Nane van der Molen, Leerms.
Ien toal van t Hogelaand.
.............................................................................
VOLGENDE DOAGEN IEN 2010
1 oktober 2010.
Op nuigen dij ons vrunnen toustuurd kriegen
kinnen zai lezen wat wie veur joe opbedocht hemmen.
Nog gain vrund?
Meschain n reden om vrund van "Kaampke" te worren.
WIE ZAIN JOE GEERN!
……………………………
DE VOLGENDE DAGEN IN 2010
1 oktober.
Op de uitnodiging die onze vrienden krijgen toegezonden
kunnen ze lezen wat we voor ze hebben bedacht.
Nog geen vriend? Misschien een reden om vriend van "'t Kaampke" te worden.
WIJ ZIEN U GRAAG!
...........................................................
PROJEKT WAARKEN MIT WOORDEN / WOREN
Om joe n iendruk te geven hou ie ons worenbouk
bruken kinnen, hemmen wie hieronner n veurbeeld stoan.
Bie t Grunneger woord stoan Nederlandse woren.
Dij Nederlandse woren stoan ien dail 2 mit
Grunneger betaikenis der bie.
AFFRONTAAIERN beledigen. krenken. kwetsen. schofferen.
o.t.t. k affrontaaier, doe affrontaaiers, zai-hai af-
frontaaiert, wie-ie-joe-zai affrontaaiern. o.v.t. k-
zai-hai affrontaaierde, doe affrontaaiersde, wie-ie-
joe-zai affrontaaierden. v.t.t. k heb -, doe hes -,
zai-hai het -, wie-ie joe-zai hemmen -, v.v.t. k-
zai-hai haar -, doe haars -, wie-ie-joe-zai haren -,
v.t.t. k bin -, doe bis -, zai-hai is -, wie-ie-joe-
zai binnen -, v.v.t. k-doe-zai-hai was -, wie-ie-joe-
zai waren/wazzen affrontaaierd.
BELEDIGEN
aanvlaigen. affrontaaiern. beledegen.
beragen. krinken. kwetsen. lastern. misdoun.
miszèggen. òffrontaaiern. òfgrantaaiern.
schimpen. smoaden. spijen. trappen.
veroffrontaaiern. wonnen.
VLIEMSTRIEKEN vleien. pluimstrijken. aanhalen.
o.t.t. k vliemstriek, doe vliemstrieks, zai-hai
vliemstriekt, wie-ie-joe-zai vliemstrieken. o.v.t.
k-zai-hai vliemstreek, doe vliemstreeks, wie-ie-
joe-zai-, v.t.t. k heb -, doe hes -, zai-hai het -,
wie-ie-joe-zai hemmen -, v.v.t. k-zai-hai haar -,
doe haars -, wie-ie-joe-zai haren -, v.t.t. k bin -,
doe bis -, zai-hai-t is -, wie-ie-joe-zai binnen -,
v.v.t. k-doe-zai-hai-t was -, wie-ie-joe-zai waren/-
wazzen vliemstreken.
VLEIEN
aanhoalen. bekproaten. flerenfliemen.
fliemstrieken. flikvlooien. flittjen.
flodden. floddern. flooien.
kwispelstaarten. kwispelsteerten.
ploemstrieken. sliemen. smaigeln.
smiegeln. soebatten. vliemstrieken.
Huis van de Groninger Cultuur het ons projekt
WAARKEN MIT WOORDEN / WOREN
onnersteund mit €500,00 subsidie.
Doar binnen wie ja slim wies mit.
Ons Waarkworenprojekt lopt meroakel.
n Leutje honnerd minsen hemmen heur baaide ringbannen toustèld.
Tot wied over grìns van Grunnen goan zai vot, tot ien Deventer en Doetinchem tou.
Wie willen aal minsen bedanken veur t betraauw dat
zai hemmen en had hemmen ien dit projekt.
Wie hollen joe op hoogte van wieder verloop.
Aal minsen dij heur dizze twij ringbannen tousteld hemmen
kinnen bladzieden verbederns vergees ophoalen.
Adres: Kampweg 7 ien Steem.
As ie eerst eefkes 0596-551002 bèllen,
proaten wie daag en uur mit joe òf.
WIE ZAIN JOE GEERN!
......................................................................
MET ANDERE WOORDEN:
HET PROJECT “WAARKEN MIT WOORDEN / WOREN”
Om u een indruk te geven hoe u ons woordenboek
kunt gebruiken, hebben we hierboven een voorbeeld staan.
Bij het "Grunneger" woord staan Nederlandse woorden.
Die Nederlandse woorden staan in deel 2 met
de "Grunneger betekenis er bij.
Het Huis van de Groninger Cultuur heeft ons project
WAARKEN MIT WOORDEN / WOREN
ondersteund met €500,00 subsidie.
Daar zijn we vanzelfsprekend erg blij mee.
Ons Werkwoordenproject loopt prima.
Een kleine honderd mensen hebben de beide ringbanden gekocht.
Tot ver over de grens van Groningen gaan ze weg,
tot in Deventer en Doetinchem toe.
We willen alle mensen bedanken voor het vertrouwen dat
ze hebben en hebben gehad in dit project.
We houden u op de hoogte van het verdere verloop.
Alle mensen die deze twee ringbanden hebben gekocht
kunnen pagina “s verbeteringen gratis ophalen.
Adres: Kampweg 7 in Stedum.
Als u eerst even 0596-551002 belt,
spreken we een dag met u af.
WIJ ZIEN U GRAAG!